O Deportivo regresou esta mañá aos adestramentos en Abegondo.
Luis César decidiu non perder nin un segundo e, após un quecemento e uns rondos, dispuxo xa un exercicio táctico no campo 2, xa coa mente posta na visita do AD Alcarcón a ABANCA-RIAZOR deste sábado 23 de novembro (18:00 horas, Movistar LaLiga).
A partir de aquí, os titulares a pasada fin de semana en Almendralejo ante o Extremadura UD continuaron o seu adestramento no vestiario, con ximnasio e tarefas de recuperación.
Os demais membros do cadro realizaron no campo 3 un circuíto físico con balón e fútbol en espazo reducido.
Non saltaron ao campo os lesionados David Simón e Jovanović, ademais de Dani Giménez, hoxe con adestramento específico no ximnasio. Lampropoulos, Gaku e Montero continúan coas súas respectivas seleccións nacionais.
Esta mañá, Mujaid, Valín, David Sánchez, Bourdal, Boian, Youssouf Yalike e o meta xuvenil Alberto adestráronse ás ordes de Luis César.
Mañá martes, o equipo está citado en Abegondo ás 11:00 horas para un novo adestramento.
