Os Servizos Médicos do Real Club Deportivo comprobaron que Miku sofre unhas molestias na musculatura aductora derivadas dunha sobrecarga; circunstancia que lle impediu onte xogar de inicio en ABANCA-RIAZOR ante o CD Guijuelo.
Así pois, o dianteiro deportivista estará uns días con tratamento médico e de fisioterapia, para iniciar posteriormente o seu proceso de readaptación física; e, en función da súa evolución, incorporarse ao traballo de grupo.
