Álvaro Pérez Campo 'Trilli' foi sometido esta mañá a probas médicas complementarias para ditaminar o alcance exacto das molestias sufridas no transcurso do partido da selección española sub-19 ante México do pasado domingo en Benidorm.
Os Servizos Médicos do Real Club Deportivo comprobaron que o lateral deportivista sofre unha lesión muscular no psoas ilíaco da súa perna esquerda.
Así pois, Trilli estará uns días con tratamento médico e de fisioterapia. En función da súa evolución, pasará a continuación á fase de readaptación física co readaptador Álex Canosa, paso previo ao seu regreso aos adestramentos co grupo.
