Partido once para once do primeiro equipo, esta mañá en Abegondo
Un partido once para once, primeiro a todo e logo só a metade de campo, foi a tarefa principal do Deportivo esta mañá en Abegondo. A sesión arrancou cun quecemento e uns rondos.
Traballaron todos os futbolistas, ademais de Óscar e Nacho Monsalve, do Fabril.
Guilherme acabou con molestias nos isquiotibiais da súa perna esquerda, pendente de probas médicas nas próximas horas.
Mañá xoves, día do partido ante o Atlético de Madrid (20:45, Bein Sports) terá lugar en Abegondo, ás 11:00, a última sesión de adestramento. Ao finalizar, Pepe Mel dará a lista de xogadores convocados que se concentrarán para comer no Hotel Meliá María Pita.