A dianteira Ainize Barea Núñez 'Peke' asinou a súa renovación co Deportivo ABANCA por tres campañas máis, até xuño de 2023.
Peke, que o mes pasado cumpriu 28 anos, atópase na súa terceira campaña no equipo branquiazul, ao que chegou no verán de 2017 procedente do Santa Teresa CD de Badaxoz.
A futbolista vasca xogou como titular os 17 partidos que o Deportivo ABANCA disputou até o momento na súa estrea na Primeira Iberdrola, nos que anotou 8 goles. Estes tantos elevan a 64 os que marcou nos seus 71 partidos coa camiseta branquiazul entre as súas dúas campañas en Segunda Nacional, o playoff de ascenso e o curso actual na máxima categoría.
