As instalacións deportivas Álex Blanco acolleron a presentación do DéporCampus Cabreiroá de verán que realizará a localidade de Monforte de Lemos na segunda semana de agosto de 2020.
O acto tivo lugar coa presenza de José Manuel Mougán Sobredo, concelleiro de deportes; Juan Carlos Díaz Pérez, presidente do CP Calasancio; e Pablo Barros, director das actividades formativas da Fundación Real Club Deportivo.
Os días de actividade serán do 10 ao 14 de agosto, para nenas e nenos entre os 6 e os 14 anos e as inscricións xa se atopan abertas en deporcampus.rcdeportivo.es/gl até o mediodía do xoves 6 de agosto. Nesa mesma dirección atópase toda a información relativa ao Dépor Campus Cabreiroá de Monforte 2020.
