O Dépor tivo hoxe sábado a primeira toma de contacto nesta pretemporada con ABANCA-RIAZOR. Ao cadro incorporouse xa Rui Costa, após formalizar onte venres toda a documentación e realizadas todas as probas médicas.
O dianteiro portugués, que a pasada campaña militou no AD Alcorcón procedente do FC Porto, completou toda a sesión con normalidade.
Após un quecemento, rondos e un exercicio de posesión, a tarefa principal de hoxe foi un partido 10 contra 10 a todo o campo. Fernando Vázquez parou en repetidas ocasións o xogo para impartir instrucións aos seus futbolistas.
Lucho García e Borja Galán tiveron adestramento específico en Termaria Casa da Auga. Pola súa banda, Celso Borges, Uche, Vicente e Fede Cartabia, con permiso, non se adestraron.
O equipo descansa mañá domingo 20 de setembro e regresa aos adestramentos o luns 21 ás 10:00 en Abegondo.
