Pedro Mosquera deu un paso máis esta mañá na súa recuperación, ao completar con normalidade o seu primeiro adestramento co grupo tras a súa lesión no cuádriceps. Os Servizos Médicos do RC Deportivo comprobarán o seu estado físico despois do adestramento de mañá martes en Riazor (10:30 horas), para decidir se o centrocampista coruñés recibe ou non a alta médica.
Así pois, a pouco máis de 48 horas do partido ante o Granada en Riazor (mércores 5 de abril ás 20:30, Bein Sports), só Kakuta está á marxe do grupo, con tratamento médico e de fisioterapia.
