O Deportivo iniciou esta mañá a súa segunda semana de pretemporada cun adestramento de Abegondo no que se combinou traballo físico con táctico. A novidade foi a presenza co primeiro equipo de Álvaro Queijeiro, capitán do Fabril.
A chuviosa e fresca mañá comezou nun dos ximnasios da cidade deportiva, con traballo de forza.
A continuación, Pepe Mel dividiu ao plantel en dous grupos. Mentres un grupo realizaba traballo táctico no campo 2, o outro exercitaba a posesión no campo 3.
Un partido táctico once para once puxo o punto final ao adestramento sobre o céspede.
Esta mañá estiveron á marxe Luisinho, Fede Cartabia e Borja Galán.
Os futbolistas están citados para comer no Hotel Tryp Coruña (13:30) e regresarán aos adestramentos esta mesma tarde ás 19:00 horas en Abegondo.
