Natxo González manifestou esta mañá na sala de prensa do Estadio ABANCA-RIAZOR que, trala derrota o pasado sábado en Alcorcón, "hai que manter o equilibrio. Cando ganas non estar moi ben, felices e somos os mellores; e a semana seguinte que perdes, todo o contrario. Tratamos de manter o equilibrio tanto no bo como no malo, tanto despois dunha vitoria como despois dunha derrota. Normalidade. Isto é o xogo".
Confirmou que Saúl será titular mañá luns 24 de setembro ante o Granada CF (21:00 horas, Gol e LaLiga 1|2|3 TV) e deixou entrever que poida haber "algún cambio. Pero no caso do lateral esquerdo, se non pasa nada estraño, xogará Saúl".
O técnico deportivista advirte que "se queremos estar arriba, entre os mellores, en casa indiscutiblemente tes que facerte forte. O noso campo ten que servirnos como reforzo e sentirnos cómodos porque a xente nos apoia e porque entendemos que debemos sacar moitos puntos dentro del para estar onde queremos estar".
Vaticina un partido totalmente distinto ao de Alcorcón: "Xogas como local, en fronte tes un equipo distinto ao que nos enfrontamos a semana pasada. Pero sobre todo a diferenza que hai de xogar como local, coa túa xente, a non coa túa xente. A idea é a mesma pero sempre a nivel emocional xogar na túa casa dáche un plus".
Considera "humano" que os futbolistas teñan mañá luns un plus de motivación para lograr a vitoria: "Cando un ten un tropezón, cando ten unha adversidade, o normal é que esperes o seguinte canto antes para quitarche un pouco ese lastre que podes ter por unha mala actuación", sostén.
Do Granada, invicto na competición ligueira, destaca Natxo o seu "bo comezo, con poucos goles encaixados, con 9 goles a favor. Cando un consegue eses resultados, o estado de autoconfianza é máximo. Van chegar eles sen ningunha presión, tratando de facer o que están a facer e é un equipo perigoso. Ten moitos recursos a nivel ofensivo, con moita velocidade. Temos que ter moito coidado coas vixilancias e as transicións".
Preocúpalle máis no Dépor "o xogo ofensivo sen perder o que estamos a facer ben defensivamente. Crecer na construción para que iso materialícese en máis ocasións sen perder a fiabilidade defensiva. Moitas veces queres avanzar nun terreo e vas perdendo no outro. Tratar de non perder o que estamos a facer ben e potenciar o que non estamos a facer tan ben".
Iso si, advirte que "estamos no punto no que estamos a ter en conta as características do equipo: equipo practicamente novo, cun adestrador novo, un método novo... Por tanto estamos onde prevía que iamos estar. Gustaríame adiantar un pouco ese proceso e estar mellor nesa faceta ofensiva, si, pero entendo que leva o seu tempo".