RCD / NOVAS

Severo correctivo no Juegos Mediterráneos (4-0)

07/03/2020 23:15

O Deportivo caeu na súa visita á UD Almería, que asestou un severo correctivo ao cadro branquiazul grazas, en gran medida, á súa total efectividade na primeira metade, con dous goles noutros tantos disparos.

Fernando Vázquez, adestrador deportivista, realizou dous cambios con respecto ao once inicial que presentou en ABANCA-RIAZOR ante o CD Lugo. Ambos foron no dobre pivote, de onde saíron Álex Bergantiños e Vicente Gómez para que entrasen Gaku Shibasaki e Uche Agbo.

O partido comezou con mal pé para o Deportivo, que no minuto 7 perdeu a Bóveda por un problema muscular. Fernando Vázquez deu entrada a Hugo Vallejo no lateral dereito. Só 5 minutos despois, o primeiro disparo do partido acabou en gol. Darwin Núñez punteou un centro desde a dereita do ataque local, o balón rebotou no pé dereito de Montero e volveu caer ao dianteiro uruguaio, que desde preto fusilou a Dani Giménez.

O Deportivo tivo bastante máis posesión de balón que o seu rival na primeira metade pero careceu de profundidade. A mellor ocasión branquiazul chegou nunha boa xogada pola esquerda, con centro de Emre Çolak que desviou o porteiro Fernando cando Sabin Merino se aprestaba a rematar. Un disparo afastado e desviado de Uche Agbo no minuto 26 e outro de Aketxe que acabou en saque de esquina no minuto 44 foi toda a bagaxe ofensiva do cadro coruñés.

Antes, a UD Almería ampliou a súa vantaxe no marcador. Ao fío da media hora, Corpas internouse pola dereita do ataque almeriense, cedeu cara ao centro para Balliu que desbordou a Peru Nolaskoain e definiu cun suave disparo preto do pau esquerdo da portería deportivista. Máxima efectividade a do conxunto almeriense, que marcou dous goles en dous disparos.

O equipo branquivermello regresou dos vestiarios coma se fose perdendo, coma se quixese asestar rapidamente un golpe definitivo ao partido. Fran Villalba ameazou no minuto 48, cun disparo raso desde a frontal da área que Dani Giménez desviou a córner. Aínda que o Dépor respondeu pronto, cunha volea de Mollejo, o 3-0 chegou de inmediato, no minuto 53. Corpas estrelou unha pelota no pau despois de que Dani Giménez metese a man providencialmente, pero o rexeite caeu a Juan Muñoz, que disparou cruzado ao fondo das mallas.

Con semellante desvantaxe no marcador, o conxunto herculino viuse noqueado por uns momentos aínda que pronto volveu facerse coa pelota e a dominar con maior intensidade. A entrada de Mamadou Koné deu outro aire ao ataque deportivista. O marfileño primeiro tratou de sorprender ao porteiro local cun zurdazo afastado. Despois desfíxose de todos os seus rivais no extremo esquerdo e meteu o balón na área para Beauvue, que rematou de volea á media volta, moi por riba do portal almeriense.

Nos minutos finais, os branquiazuis puideron maquillar o marcador. No 87, Aketxe estrelou o balón no traveseiro despois outra gran acción de Koné, esta vez pola dereita. O disparo do vasco desviouno o xusto o porteiro local para evitar o tanto. Un minuto máis tarde, o mediapunta, con todo a favor, rematou fóra un pase da morte, de novo, de Koné.

O Deportivo non aproveitou as súas ocasións e co que se atopou foi co 4-0. Cando se cumpría o minuto 90, Darwin Núñez si aproveitou o pase da morte de Corpas desde o extremo dereito.

Con esta derrota, o equipo branquiazul continúa con 35 puntos, os mesmos que Real Oviedo e Albacete, os dous primeiros equipos que se atopan fóra da zona de descenso.

RC Deportivo: Dani Giménez, Bóveda (Hugo Vallejo, min. 7), Mujaid, Peru Nolaskoain, Montero, Mollejo, Gaku Shibasaki, Uche Agbo, Aketxe, Sabin Merino (Beauvue, min. 46) e Emre Çolak (Koné, min. 68).

UD Almería: Fernando, Balliu, David Costas, Maraš, Martos, De la Hoz, Vada (Aguza, min. 65), Corpas, Juan Muñoz (Appiah, min. 73), Fran Villalba (Enzo Zidane, min. 80) e Darwin Núñez.

Goles: 1-0 Darwin Núñez (min. 12); 2-0 Balliu (min. 29); 3-0 Juan Muñoz (min. 53); 4-0 Darwin Núñez (min. 90).

Árbitro: Trujillo Suárez (c. tinerfeño). Cartón amarelo a Peru Nolaskoain (min. 45+1), Mollejo (min. 63) e Fran Villalba (min. 78).

Incidencias: partido da 31ª xornada de LaLiga SmartBank disputado no Estadio de los Juegos Mediterráneos ante 9.116 espectadores.

RCD / J31 LaLiga SmartBank

  • Fernando
  • David Costas
  • Nikola Maras
  • Iván Balliu
  • Iván Martos
  • C. de la Hoz
  • Valentin Vada (64')
  • F. Villalba (79')
  • José Corpas
  • Darwin Núñez
  • Juan Muñoz (72')

Suplentes

  • Francis G.
  • Arvin Appiah (73')
  • Iván Martínez
  • Aguza (65')
  • Kaptoum
  • Jerónimo Lario
  • Enzo (80')
  • Dani Giménez
  • Mujaid Sadick
  • Francisco Montero
  • Nolaskoain
  • Uche
  • Gaku
  • Victor Mollejo
  • Eneko Bóveda (6')
  • Emre Çolak (67')
  • Aketxe
  • Sabin Merino (45')

Suplentes

  • Beauvue (45')
  • Jovanović
  • Keko Gontán
  • Koné (68')
  • Álex Bergantiños
  • Hugo Vallejo (7')
  • Vicente Gómez

Estadio

Estadio de los Juegos Mediterráneos (9.151 espectadores)

Goles

  • 1-0 (12'). Darwin Núñez
  • 2-0 (29'). Iván Balliu
  • 3-0 (53'). Juan Muñoz
  • 4-0 (90'). Darwin Núñez

Árbitro

Daniel Jesús Trujillo Suárez amoestou aF. Villalba (78') do UD Almería y Nolaskoain (46'), Victor Mollejo (63') do RC Deportivo.

Valora a #osnosos no #AlmeríaDépor

#ANOSAFORZA
7,0
MUJAID
6,2
KONÉ
5,5
EQUIPO ARBITRAL
4,9
GAKU SHIBASAKI
4,5
MOLLEJO
4,2
ENEKO BÓVEDA
4,1
AGER AKETXE
4,0
DANI GIMÉNEZ
3,9
HUGO VALLEJO
3,8
BEAUVUE
3,7
UCHE AGBO
3,7
EMRE ÇOLAK
3,4
SABIN MERINO
3,2
PERU
2,8
EQUIPO TÉCNICO
2,8
MONTERO
2,4
O periodo de votación finalizou o 13-03-2020 12:00.