Non está a ter fortuna esta pretemporada o Dépor ABANCA B. O partido amigable ante o UD Mos, previsto para o pasado xoves 12 de agosto no campo das Baloutas, e que se ía xogar finalmente esta tarde, foi suspendido de novo por un positivo de COVID-19 no equipo pontevedrés.
A expedición do Dépor ABANCA B estaba a chegar a Mos en autocar e viuse obrigada a regresar á Coruña sen poder disputar o que sería o seu primeiro test do verán.
O filial feminino pechará a semana o domingo 22 ás 12:30 coa visita ao Lóstrego CF de Gondomar, equipo que milita na Primeira Autonómica Feminina.
