Borja Valle foi o protagonista esta mañá na sala de prensa de Abegondo.
O atacante deportivista indica que o choque do pasado domingo ante o Málaga CF deixoulle "mellores sensacións que o partido ante Las Palmas. Hai cousas que melloraron e hai cousas que se fixeron mal". "Hai moitas cousas que mellorar, está claro. O míster está a traballar día a día connosco a nivel mental, a nivel futbolístico para darlle a volta a isto. Estamos obrigados a iso".
Lembra que hai unha vantaxe nesta situación: "É pronto. Aínda queda moito. Sen despistarnos pero aínda hai moito tempo para mellorar e moita marxe de mellora".
A clave para a melloría, a xuízo de Borja, está clara "cando encaixas 22 goles nestas xornadas. Confío en que imos facer goles e van chegar os resultados. Todo pasa por pechar a nosa portería. Cando pechemos a nosa portería é todo moito máis fácil. É o obxectivo que ten que ter este Deportivo".
Confesa un dos capitáns branquiazuis que verse abaixo na clasificación "dóeche, xérache tristeza. Xamais desexase a este Deportivo estar onde está agora mesmo. Agora teño a responsabilidade de darlle a volta a isto, tentar sumar o máximo posible para volver ver a este escudo o máis arriba posible".
Preguntado pola figura do Director Deportivo Carmelo del Pozo, Borja opina que "non fixo un cadro para estar aí (abaixo). Os que xogamos somos nós, os que acertamos e fallamos dentro do campo somos nós. Confío nesta figura. Fai todo o traballo polo ben do Club. Apóioo ao 100 por 100. A directiva apóiao. É algo que nos compete a nós. Cada un temos a nosa opinión. A xente de ABANCA-RIAZOR é libre para opinar. Ven a este Deportivo último e é normal que mostren esa crítica cara á persoa que formou o cadro. Nós apoiámolo, apoiámolo. É a persoa que confiou en nós para traernos aquí. O que podemos facer é darlle a volta a esta situación para agradecerlle a confianza".
Nesta liña, insiste en que "os culpables, os responsables de que o Deportivo estea aí somos nós (os xogadores). Somos nós os protagonistas: o ano pasado cando case conseguimos ascender e este ano cando estamos aí abaixo. O noso labor e a nosa obrigación é darlle a volta a isto, día a día. ¿Que non é a mellor das situacións nin a máis fácil? É certo. Ver un Club como o Deportivo e sendo a túa responsabilidade nesta situación é moi complicado".
Non se resigna a pensar que o obxectivo do Dépor sexa a salvación: "É certo que moitas persoas agora mesmo asínalo porque a situación do equipo neste inicio é moi mala e é algo real. Non quero asinala. Quero ser ambicioso e quero ser realista tamén. Centrarme que o obxectivo deste Deportivo deben ser cotas maiores".
Agradece tamén as palabras onte do Presidente Paco Zas nas que mostraba a súa confianza plena no cadro: "O único que podemos mostrar é agradecemento, que estando nesta situación a Xunta Directiva síganos apoiando, siga loitando porque este Club siga crecendo. Agradecemos que todas as persoas que formamos este Deportivo sigan unidas. Considero que é unha base principal para que este Deportivo creza".
