A 24 horas da LXXIV edición do Trofeo Teresa Herrera de mañá sábado 10 de agosto ante o Real Betis (21:00 horas), e a 9 días da estrea ligueira ante o Real Oviedo, o primeiro cadro tivo esta tarde a primeira toma de contacto con ABANCA-RIAZOR.
Os futbolistas branquiazuis, moitos deles por primeira vez, colleron sensacións sobre un céspede do estadio en perfectas condicións.
A sesión consistiu unicamente en ensaio de accións a balón parado en dous grupos, dirixido polo técnico Alejandro Esteve.
Traballo físico e táctico en Abegondo á espera do adestramento vespertino en ABANCA-RIAZOR
O Deportivo alternou esta mañá na Cidade Deportiva traballo físico e táctico. Así, após un quecemento, os xogadores tiveron rondos e un circuíto físico dirixido por Marcos Marcén.
Acto seguido, mentres un grupo realizaba un traballo táctico no campo 2 dirixido por Juan Antonio Anquela, o outro grupo executaba unha tarefa de remates a portería no 3.
Un partido a metade do campo 2 puxo o punto e final á sesión, esta mañá con traballo específico para Diego Rolan e Koke Vegas.
Mañá, o equipo regresa a Abegondo ás 10:00 horas para un último ensaio antes de recibir ao Real Betis pola tarde.
