- Foto:@SeFutbol -
#ANOSACANTEIRA conta esta semana con presenza de 4 xogadores en diferentes categorías inferiores da selección española: Juan Rodríguez, Trilli, Hugo Novoa e Carlota.
Trilli e Hugo Novoa, á final da Aegean Cup en Turquía
O Deportivo achega dous futbolistas á selección española sub-16, que participa na Copa Aegean na cidade turca de Esmirna: os cadetes Trilli e Hugo Novoa.
España quedou encadrada no grupo B, con Rusia, Albania e Macedonia.
Hoxe xoves 17, España impúxose (3-2) a Rusia no último encontro da Primeira Fase. Ibrahim Cámara -2- e Israel Salazar foron os goleadores españois. Hugo Novoa saltou ao campo no minuto 63 en substitución de Miguel Rodríguez; e Trilli esta vez seguiu o choque desde o banco.
Con este resultado, a selección española logra a primeira praza do grupo B e, por conseguinte, a clasificación para a gran final, este sábado ante a anfitrioa, Turquía.
O pasado martes, os españois, esta vez con Trilli e Hugo no once inicial, superaron (2-0) a Macedonia con tantos de Bruno Iglesias e Israel Salazar. Os dous canteiráns branquiazuis xogaron completo o encontro.
O primeiro rival da selección española sub-16 foi o pasado luns Albania, á que a 'rojita' derrotou (1-0), con gol de David Vilán.
Houbo tamén presenza deportivista, pero nesta ocasión na segunda metade. Trilli substituíu no minuto 61 a Rubén Iranzo; e Hugo Novoa saltou ao céspede no minuto 74 en substitución de Miguel Rodríguez.
O calendario de partidos da selección, todos nas instalacións de Altinordu FK Meti Oktay Tesisleri, é o seguinte:
Primeira Fase
Luns 14 de xaneiro
ESPAÑA 1 - ALBANIA 0
Martes 15 de xaneiro
ESPAÑA 2 - MACEDONIA 0
Xoves 17 de xaneiro
ESPAÑA 3 - RUSIA 2
Sábado 19 de xaneiro
Final
15:00 (13:00 hora peninsular): TURQUÍA - ESPAÑA
Carlota disputa mañá venres a final do Torneo do Atlántico
A xogadora do Deportivo ABANCA Carlota Sánchez está convocada pola selección española sub-17 no Torneo do Atlántico en Santa Cruz de Tenerife.
Deste xeito, Carlota segue os pasos dados con anterioridade por outras xogadoras deportivistas como Teresa Abelleira, Nuria Rábano e Malena Mieres, tamén internacionais en categorías inferiores.
Mañá venres 18, España xogará a final do trofeo ante Canarias, ás 19:30 (hora local, 20:30 na Península).
A selección enfrontouse onte mércores a Eslovaquia nunha das semifinais.
As españolas venceron claramente (3-0), nun partido no que sobresaíu Carlota: gol maxistral de volea e asistencia. Foi relevada no minuto 64 por Ascensión Martínez.
O calendario de partidos da selección é o seguinte:
Semifinal
Mércores 16 de xaneiro
ESPAÑA 3 - ESLOVAQUIA 0
Final
Venres 18 de xaneiro
19:30 (20:30 hora peninsular): ESPAÑA - CANARIAS
Todos os encontros teñen lugar nas instalacións do Centro Insular de Atletismo.
Juan Rodríguez xogou a segunda metade fronte a Italia coa sub-17
Juan Rodríguez Lima, que pertence ao cadro do Xuvenil B de Liga Nacional, foi citado pola selección española sub-17 para un amigable ante a poderosa Italia, subcampioa de Europa da categoría.
O choque disputouse onte mércores 16 de xaneiro no Estadio Fernando Torres de Fuenlabrada.
Os españois gañaron (1-0) e Juan Rodríguez xogou a segunda metade. Relevou a José Martínez no descanso.