O Dépor xa está de cheo na preparación do partido de ida da final do playoff de ascenso a LaLiga Santander, este xoves 20 de xuño en ABANCA-RIAZOR ante o Real Mallorca (21:00 horas, Movistar Partidazo).
A tarefa principal esta mañá consistiu nun partido 11 contra 11 no campo 2, no que non participaron, de acordo cos Servizos Médicos, Fede Cartabia, Edu Expósito e Vicente Gómez.
Os fabrilistas Mujaid, Víctor, Valín, Gandoy, Gaizka, Álex Cobo e o porteiro xuvenil Alberto si se adestraron ás ordes de José Luis Martí.
A mañá arrancou cun quecemento e, a continuación, por grupos houbo un exercicio táctico no campo 2 e ensaio de accións a balón parado no 3.
Tiveron un adestramento específico Pablo Marí, Krohn-Dehli e Vítor Silva; todos eles baixo a supervisión do readaptador Fran Molano.
Mañá mércores, o equipo adéstrase de novo en Abegondo a partir das 11:00 horas.
