O primeiro equipo incidiu esta mañá no ensaio de accións de estratexia, a balón parado, nunha sesión de menor intensidade, como é habitual dous días antes de cada partido.
Un quecemento, rondos e xogos serviron para arrancar un adestramento distendido, que acabou na pista de fútbol-tenis, o ximnasio e a padiola de masaxe.
Mañá venres, o cadro está citado ás 11:00 en Abegondo. Será a última sesión previa ao encontro deste sábado 18 de febreiro en Riazor (18:30, Bein Sports), ante o Alavés.
