A xogadora do Deportivo ABANCA María Méndez foi convocada pola selección española sub-19 para dous partidos amigables ante Italia, o domingo 1 e o martes 3 de setembro.
Ambos os encontros disputaranse nas instalacións de San Pedro de Pinatar (Murcia).
A futbolista branquiazul concentrarase o venres 30 de agosto e, por conseguinte, será baixa no último test de pretemporada do Deportivo ABANCA, o sábado 31 de agosto en Portugal ante o SC Braga, campión luso.
María Méndez, xunto a Teresa Abelleira e Athenea, acaba de disputar con España o último campionato de Europa en Escocia, no que as españolas caeron en semifinais ante Francia.
