A internacional coruñesa Carlota, que acaba de proclamarse campioa do Torneo do Atlántico coa selección española sub-17, regresa á lista de convocadas do Deportivo ABANCA para o compromiso ligueiro de mañá domingo 27 de xaneiro (13:00 horas) no campo de San Juan (Santander) ante o CD Monte, correspondente á 16ª xornada no grupo 1º de Segunda División Nacional.
Na citación deportivista ademais está outra canteirá, Patri López, habitual nos partidos do primeiro equipo esta temporada.
Manu Sánchez, técnico deportivista, citou ademais ás seguintes futbolistas: Curbelo, Miralles, Cris, Iris, Gaby, Peke, Teresa, Kika, Michelle Romero, Lía, Silvia Mérida, Miriam, Ali Muñoz, Laura, Raquel e Alba Merino.
O Deportivo ABANCA manda na categoría con 43 puntos; con 3 de vantaxe sobre o segundo clasificado, o Oviedo Moderno CF, que ten 40 puntos.
