O Deportivo rebaixou esta mañá a intensidade do adestramento, a pouco máis de 48 horas de visitar ao Granada CF, o domingo 10 de febreiro no Estadio Novo Os Cármenes (18:00 horas, Movistar Partidazo), en partido correspondente á 25ª xornada en LaLiga 1|2|3.
Así, após un quecemento, rondos e fútbol tenis, Alejandro Esteve colleu a batuta para repasar accións a balón parado, unha faceta de gran importancia agora que se achega a fase decisiva da competición.
Mañá sábado 9 de febreiro, o equipo adestrarase en Abegondo ás 09:30 horas. Ao finalizar, Natxo González dará a lista de convocados para viaxar o mediodía a Granada.
