Con motivo do partido da 32ª xornada de LaLiga que se disputa o sábado 15 de abril en Riazor fronte ao Málaga, a Oficina de Atención ao Deportivista non pechará as súas portas ningún día de Semana Santa. A Oficina permanecerá aberta de luns 9 a venres 14 de 10:00 a 13:30 e de 16:30 a 19:00 horas, para a venda de entradas para o partido contra os andaluces e contra o Real Madrid, ademais de para atender aos accionistas, socios e afeccionados do Dépor en calquera necesidade que teñan.
O sábado 15, día do partido, a venda de entradas trasládase aos despachos de billetes do Pazo dos Deportes de Riazor de forma ininterrompida desde as 10:00 e ata o comezo do partido, mentres que a Oficina de Atención ao Deportivista abrirá ás 11:00 para a entrega de entradas a colectivos e atender calquera incidencia.
