A Selección Española Sub-17 impúxose hoxe xoves 11 de maio a Holanda (2-0) na primeira semifinal do Campionato de Europa da categoría. O encontro tivo lugar no Estadio de Domazlice, na República Checa.
Tere Abelleira, capitá do Deportivo Abanca, recuperouse a tempo dunha escordadura do seu nocello esquerdo que lle impediu xogar contra Francia o pasado luns, no terceiro partido da Primeira Fase. Hoxe, a centrocampista branquiazul foi titular e xogou 77 minutos, sendo substituída por Irene López, co partido xa sentenciado.
España, na final do domingo 14 de maio (18:30 horas) na localidade de Plzen, pelexará pola medalla de ouro fronte a Alemaña.
Tere Abelleira foi titular nos dous primeiros partidos do torneo, ante Alemaña e a República Checa. En ambos os encontros estivo os 80 minutos sobre o terreo de xogo.
O calendario de España, cos resultados, é o seguinte:
Primeira Fase Martes 2 de maio ESPAÑA 1 - ALEMAÑA 4
Venres 5 de maio REPÚBLICA CHECA 1 - ESPAÑA 5
Luns 8 de maio FRANCIA 1 - ESPAÑA 1
Xoves 11 de maio Semifinal ESPAÑA 2 - HOLANDA 0 (Estadio de Domazlice)
Final Domingo 14 de maio 18:30: ESPAÑA - ALEMAÑA (Plzen City Stadium, en Plzen)