-Foto:@rfef.es
Elena Vázquez (na foto no centro da imaxe co dorsal 3) confirmou hoxe mércores coa selección española sub-17 a súa clasificación para a Fase Final do Campionato de Europa que se xogará en Suecia do 5 ao 18 de maio.
O último rival das españolas nesta Rolda 2 de clasificación foi o equipo anfitrión, Países Baixos.
Venceu a selección española (1-3) e esta vez Elena Vázquez seguiu o choque desde o banco.
Por contra, a canteirá branquiazul si participou nos 2 partidos anteriores, saldados tamén con triunfo do combinado nacional.
O pasado domingo ante Ucraína (2-0) a xogadora deportivista substituíu a Amaya no minuto 72.
O xoves 14 ante Turquía (9-0), Elena Vázquez, que acaba de saír dunha lesión muscular, saltou ao campo no minuto 67 en substitución de Alba Cerrato.
Os resultados de España foron os seguintes:
Xoves 14 de marzo
ESPAÑA 9 - TURQUÍA 0
Domingo 17 de marzo
ESPAÑA 2 - UCRAÍNA 0
Mércores 20 de marzo
PAÍSES BAIXOS 1 - ESPAÑA 3
Elena Vázquez regresará á Coruña ao longo de mañá xoves 21 de marzo.
