O partido correspondente á 14ª xornada de liga no subgrupo A da División de Honra entre o Xuvenil A e o RC Celta, previsto para mañá domingo 7 de febreiro en Abegondo, foi aprazado por un caso de COVID-19 no conxunto deportivista.
O Xuíz de Competición da RFEF fixará agora unha nova data para a celebración de #ONOSODERBI, que caeu ao lado deportivista na ida celebrada na cidade deportiva céltica (1-2).
O Xuvenil A, que ten outro partido suspendido ante o CD Conxo Santiago por coronavirus no cadro santiagués, é segundo na táboa con 27 puntos. O RC Celta marcha líder con 28 puntos e dous partidos menos.
