As entradas para o encontro da 1ª xornada de LaLiga Santander 2017-2018 entre o Deportivo e o Real Madrid, o domingo 20 de agosto ás 22:15 horas no Estadio ABANCA-RIAZOR, poranse á venda a partir de mañá exclusivamente nos despachos de billetes do Pazo dos Deportes.
Os prezos fixados para o primeiro paquete de 1.500 entradas que sairán á venda son 120 euros (Tribuna Superior), 110 euros (Tribuna Inferior) e 100 euros (Preferencia Superior).
O horario que terán os despachos de billetes do Pazo dos Deportes será o seguinte:
Venres 4 de agosto: de 10:00 a 13:30 e de 16:30 a 19:00 horas
Sábado 5 de Agosto: de 11:00 horas ata o inicio do partido
Luns 7 de agosto a venres 11 de agosto: de 10:00 a 13:30 e de 16:30 a 19:00 horas
Os despachos de billetes do Pazo dos Deportes tamén acollerán exclusivamente desde mañá venres a venda de entradas para o LXXII Trofeo Teresa Herrera. A OAD dedicarase unicamente á tramitación de abonos para a Temporada 2017-2018.
