Zakaria Bakkali recibiu hoxe a alta médica e entrou na lista de 18 xogadores convocados para o partido de mañá sábado 9 de decembro no Estadio ABANCA-RIAZOR ante o CD Leganés (18:30 horas, Bein LaLiga), correspondente á 15ª xornada de LaLiga Santander.
Quedan fóra da convocatoria de maneira obrigada os lesionados Fede Cartabia, Luisinho e Bruno Gama.
Cristóbal Parralo ultimou hoxe no Estadio cos seus futbolistas, incluídos os fabrilistas One e Óscar, aspectos tácticos e xogadas de estratexia, a balón parado (saques de esquina...)
A sesión finalizou con fútbol en espazo reducido, de alta intensidade, co cadro dividido en tres equipos.
Adestráronse á marxe do grupo Luisinho e Bruno Gama (co readaptador); e Fede Cartabia (cos fisioterapeutas). Arribas, con permiso da Dirección Deportiva, non pasou pola instalación.
Os 18 convocados concéntranse mañá sábado, día do partido, ás 13:30 horas no Hotel Meliá María Pita.
Após o encontro, todo o cadro está citado de novo en Abegondo o domingo 10 de decembro ás 11:00 horas.
