O dianteiro sevillano do Real Club Deportivo, Carlos Fernández, foi elixido polos Deportivistas como o Xogador Estrella Galicia do mes de outubro, nos partidos disputados contra Málaga, Elche, Córdoba e Reus.
Na votación que os afeccionados do Dépor realizaron en Twitter, Carlos levou o 55% dos 2.203 votos emitidos, por diante de Dani Giménez (29%) e Quique González (16%), terna de candidatos determinada polos xornalistas que cobren a diario a información e os partidos do equipo.
Carlos Fernández, que deste xeito recolle a testemuña de Quique González, gañador do mes de setembro, recibiu o trofeo acreditativo na Cidade Deportiva de Abegondo de mans de Cristian Martín, delegado comercial de Hijos de Rivera na Coruña.
Carlos agradeceu este premio "a Estrella Galicia, aos deportivistas e sobre todo aos compañeiros de equipo, sen os que non sería posible".
