Ao finalizar o encontro ante o Granada CF, os 19 futbolistas convocados cearon xuntos no Hotel Meliá María Pita. Os Servizos Médicos do Club queren coidar ao máximo a alimentación posto que, sen apenas tempo de recuperación, o Dépor afronta este sábado 8 de abril un esixente choque no Estadio Sánchez Pizjuán ante o Sevilla (18:30, Bein Sports).
O xoves, todo o cadro está citado en Abegondo ás 11:00. Será un adestramento de recuperación para os titulares ante os nazarís e máis intenso para o resto.
