Clarence Seedorf tomou esta mañá en Abegondo as rendas do Deportivo. Acompañado do seu axudante, Valerio Fiori, e do resto de técnicos do Club (José Ángel Franganillo, Julio Hernando, Manu Sotelo e Fran Molano), o novo técnico deportivista dirixiu aos seus futbolistas, incluídos os fabrilistas Edu Expósito, One e Quique Fornos, no campo 3 da Cidade Deportiva.
Nun adestramento que arrancou ás 11:30 horas, houbo un exercicio de posicionamento táctico, unha tarefa técnica e, para concluír, un traballo de posesión.
Nada máis finalizar, o cadro reunirase para comer no Hotel Meliá María Pita, do mesmo xeito que mañá mércores e o xoves. Estes tres días, o primeiro equipo tamén se adestrará en dobre quenda. Así, hoxe os xogadores están citados de novo en Abegondo ás 17:30 horas.
Adestrouse Sidnei á marxe do grupo; e Pedro Mosquera realizou xa tarefas co resto de compañeiros.
O cadro está citado mañá mércores en dous grupos para un traballo táctico por liñas
Mañá mércores, o Deportivo terá de novo dobre quenda de adestramento, mañá e tarde, na Cidade Deportiva de Abegondo.
Pola mañá, Clarence Seedorf realizará un traballo táctico de 45 minutos de duración co cadro dividido en dous grupos:
-11:45: Lucas, Andone, Bakkali, Adrián, Çolak, Valverde, Cartabia, Carles Gil, Borja e Pedro Mosquera.
O equipo comerá no Hotel Meliá María Pita ás 14.30 e regresará de novo a Abegondo ás 17:30 horas.
Esta tarde, cos fabrilistas One e Quique Fornos, o Dépor adestrouse por espazo de hora e media de duración, con traballo fundamentalmente táctico nos campos 2 e 3 da Cidade Deportiva.
Unicamente Sidnei e Mosquera exercitáronse á marxe do grupo, cos fisioterapeutas e co readaptador, Fran Molano.