Ao finalizar a suave sesión de adestramento desta mañá en Abegondo, Claudio Beauvue recibiu a alta médica.
Así pois, o dianteiro deportivista está a disposición de Fernando Vázquez xa para o partido deste domingo 1 de marzo en ABANCA-RIAZOR ante o CD Lugo (16:00 horas, #Vamos).
Hoxe, os técnicos rebaixaron a intensidade da sesión, como é habitual 2 días antes do encontro. Após charla e vídeo, os futbolistas realizaron un traballo de core no ximnasio da Cidade Deportiva, supervisado polo preparador físico Manuel Pombo.
Un grupo de xogadores saltou ao céspede para practicar rondos e fútbol-tenis nos campos habilitados para iso.
Para concluír, todos pasaron pola padiola de masaxe cos fisioterapeutas do primeiro equipo; e pola zona de auga do vestiario.
Mañá sábado, o cadro está citado en Abegondo ás 10:30, con almorzo previo ás 9:30 horas.
