A Selección de Costa Rica acaba de confirmar a participación do deportivista Celso Borges nos dous próximos partidos internacionais, ambos clasificatorios para o Mundial de Rusia 2018, e os dous no Estadio Nacional de San José, capital do país centroamericano.
Así, o xoves 8 de xuño Costa Rica recibe a Panamá (20:00, hora local); e o martes 13 de xuño, á mesma hora local (20:00), os 'ticos' mídense a Trinidad e Tobago.
Celso Borges terá que incorporarse á concentración do seu equipo nacional o domingo 28 de maio.
Fayçal Fajr estará nos dous próximos partidos de Marrocos
O centrocampista branquiazul Fayçal Fajr foi seleccionado para os dous próximos partidos de Marrocos.
O primeiro será de carácter amigable, o mércores 31 de maio ás 17:30 ante Holanda no Gran Estadio de Agadir.
O sábado 10 de xuño, Marrocos visita Camerún, en partido que se xogará no Estadio Omnisports Ahmadou-Ahidjo de Yaoundé, clasificatorio para a Copa de África. Este partido arranca ás 15:00 (hora local).
Florin Andone, á selección de Romanía
Florin Andone foi convocado pola selección de Romanía para disputar dous partidos internacionais o próximo mes de xuño.
Así, o sábado 10 de xuño, a selección romanesa visita a Polonia, en partido clasificatorio para o Mundial de Rusia 2018, que comezará ás 20:45 en Varsovia.
A continuación, o martes 13, Romanía mídese a Chile nun partido amigable que terá lugar na cidade de Cluj.
O dianteiro deportivista incorpórase á concentración o vindeiro luns 29 de xuño.
Kakuta entra na convocatoria definitiva da RD Congo
A Federación Congoleña de Fútbol comunicou ao RC Deportivo a convocatoria do xogador branquiazul Gaël Kakuta para unha concentración do equipo nacional, que terá lugar a partir do xoves 25 de maio en Rabat (Marrocos).
Durante esa concentración, a selección congoleña disputará dous partidos amigables: o domingo 4 de xuño contra Botswana (15:30 hora local); e o luns 5 de xuño contra o club marroquí Raja de Casabranca.
Estes dous partidos servirán de preparación para o partido clasificatorio para a Copa de África Camerún 2019, que se xogará o sábado 10 de xuño no Stade des Martyrs de Kinshasa (18:30, hora local) ante a República do Congo.
Emre Çolak, pendente da lista final de Turquía
Emre Çolak está preseleccionado por Turquía para dous partidos internacionais a principios do próximo mes de xuño.
O luns 5 de xuño, o equipo turco visita Macedonia nun partido amigable que se xogará na capital Skopje, no City Stadium.
E o domingo 11 de xuño, Turquía, en partido clasificatorio para o Mundial de Rusia 2018, mídese a Kósovo ás 20:45 (hora local), no Loro Borici Stadium da cidade albanesa de Shkoder.
A lista definitiva farase pública o próximo 26 de maio. En caso de ser convocado, Emre Çolak terá que incorporarse á concentración do equipo o xoves 1 de xuño.
