Finalizado o encontro desta tarde en Abegondo ante o RCD Espanyol, o Dépor ABANCA tómase un respiro mañá domingo 16 de maio.
Manu Sánchez, técnico deportivista, citou ás súas futbolistas de novo o luns 17 de maio, día festivo, ás 10:30 en Abegondo para comezar a preparar a seguinte cita ligueira, que será o encontro ante o Atlético de Madrid en partido correspondente á 25ª xornada da Primera Iberdrola aprazado no seu día por casos de COVID-19 no conxunto branquivermello.
O encontro disputarase o mércores 19 de maio ás 18:00 h. na Ciudad Deportiva Wanda de Alcalá de Henares e será retransmitido en directo por #Vamos.
