Como é habitual despois de cada partido, Fernando Vázquez dividiu esta mañá ao seu cadro, hoxe tamén cos fabrilistas Pablo Brea e Adri Castro, en 2 grupos.
Así, os que xogaron onte de inicio ante a SD Compostela en San Lázaro tiveron sesión de recuperación, con ximnasio e paso pola padiola dos fisioterapeutas.
O resto do equipo saltou ao céspede para un adestramento de alta intensidade, cun rondos, un circuíto físico e fútbol en espazo reducido.
Tiveron traballo específico Héctor Hernández, Salva Ruiz e Eneko Bóveda, estes dous últimos á espera de avaliación médica das molestias nos isquiotibiais que lles impediron acabar onte o encontro en Santiago.
O equipo ten mañá martes xornada de descanso e regresa aos adestramentos o mércores ás 10:30.
