Aos poucos #ANOSACANTEIRA volve gañar peso no Deportivo, como sucedeu por exemplo na temporada 2013-14 en Segunda División, no que Fernando Vázquez contou nesa campaña que finalizou con ascenso a Primeira División con outro bo número de canteiráns: Álex Bergantiños, Laure, Juan Domínguez, Juan Carlos, Insua, Luis Fernández...
Esta mañá, no adestramento a porta pechada en ABANCA-RIAZOR, o mesmo técnico, Fernando Vázquez, fixo 'debutar' no primeiro equipo a Álvaro Pérez Campos 'Trilli', un defensor (central ou lateral) de categoría xuvenil que esta pretemporada se adestra diariamente co Fabril de Juan Carlos Valerón.
Trilli, que leva en Abegondo desde categoría alevín (2013-2014), únese aos recentemente chegados todo o máis alto: Valín, Mujaid e Gandoy, xa todos con ficha do primeiro equipo; ou Adri Castro, Pablo Brea e Juan Rodríguez, habituais cada día en adestramentos e mesmo partidos.
Na cima está Álex Bergantiños, o gran capitán e sen dúbida o gran espello de #ANOSACANTEIRA.
En total pois 8 xogadores saídos dos campos de Abegondo adestráronse hoxe cos Keko, Uche Agbo, Celso Borges, Carlos Abad, Salva Ruiz, Claudio Beauvue...
Un partido 11 contra 11 a todo o campo que foi a tarefa principal desta mañá. Fernando Vázquez cambiou constantemente os onces de cada equipo, con vistas ao encontro deste domingo 25 de outubro no Estadio San Lázaro Vero Boquete ante a SD Compostela.
Héctor Hernández e Diego Rolan foron as únicas ausencias no grupo. O lateral continúa co seu proceso de readaptación e o ariete atópase de viaxe en Uruguai.
Mañá venres, o equipo regresa a Abegondo a partir das 10:30 horas.
