O sábado 8, día do partido final de temporada entre o Dépor e o Córdoba en ABANCA-RIAZOR (20:30 h.), a venda de entradas para o encontro trasládase ao Palacio dos Deportes de Riazor desde as 11:00 e até o inicio do choque. Desde as 10:00 tamén se poderán comprar na DéporTienda de Marineda City.
Até 24 horas antes do partido despacháronse xa 3.500 entradas para o Dépor-Córdoba, moitas delas por internet. Por iso, o Real Club Deportivo quere recomendar a todos os afeccionados que comprasen as súas localidades online que se acheguen con tempo aos despachos de billetes do Palacio dos Deportes o sábado para retirar a súa localidade e gozar ademais do bo ambiente da previa, evitando así as colas de última hora.
