Desde hoxe xa están á venda no despacho de billetes do Pazo dos Deportes de Riazor, así como xa lle estaban en internet, as entradas para o XIX Memorial Moncho Rivera
A recadación íntegra da venda de entradas do partido doarase á Cociña Económica e ao Banco de Alimentos da Coruña, dúas organizacións de gran impacto social para a cidade. Por este motivo, os socios do Real Club Deportivo non poderán acceder cos seus carnés anuais ao Estadio ABANCA-RIAZOR, debendo comprar entradas benéficas.
As entradas poden adquirirse a través do sistema de venda de entradas en liña de Abanca e, os dous días previos e o propio día da celebración do partido, nos despachos de billetes do Pazo de Deportes de Riazor. Martes 3 e mércores 4, de 16:00 a 21:00 h. e o xoves desde as 10:00 e ata o comezo do encontro.
Ademais, poden reservarse as entradas de maneira anticipada na Asociación de Fútbol Afeccionado da Coruña (AFAC), os clubs afeccionados da comarca da Coruña e nas Peñas Deportivistas.
O importe da entrada é de 10 euros para as localidades de Tribuna e de 5 euros para as situadas en Preferencia, Marathon e Pavillón, sendo gratuíta para os nenos menores de 14 anos, previa retirada de invitación en despachos de billetes.
Así mesmo, poden realizarse doazóns 'Fila 0' a través do sistema de venda de entradas en liña de Abanca e mediante transferencia bancaria ao número de conta: E53 2080 0064 9830 4001 2243.
O Torneo Victoria “Memorial Moncho Rivera” rende homenaxe á figura de D. Ramón Rivera Riguera, pertencente á terceira xeración da familia propietaria de Hijos de Rivera e un dos impulsores do Torneo na súa orixe, debido á súa estreita vinculación coa Victoria CF.
En 2009, o Club quixo recoñecer o labor do seu impulsor en apoio ao deporte de base, recuperando este campionato co seu nome e a esencia dos seus primeiros anos, co apoio de Corporación Hijos de Rivera.
