O Dépor, hoxe cos fabrilistas Óscar, Blas, One e Francis, prepara as súas armas para visitar este domingo 17 de decembro o Camp Nou (20:45 horas, Movistar Partidazo).
Esta mañá, Cristóbal Parralo dispuxo dun esixente adestramento desde o punto de vista físico, consciente do que supón medirse ao FC Barcelona, un rival que esixe o mellor en todas as facetas do xogo (física, técnica, táctica...)
A mañá arrancou na sala de vídeo. Unha vez no campo, e após un quecemento, os técnicos branquiazuis dispuxeron dun circuíto físico integral.
Un exercicio de fútbol con varias porterías e un partido área a área puxeron o punto e final ao traballo sobre o céspede.
Adestráronse á marxe Gerard Valentín, cos fisioterapeutas; Saúl, cunha gastroenterite; e Bruno Gama, que si realizou unha parte co grupo. Fede Cartabia está en repouso deportivo.
Mañá xoves 14 de decembro, o primeiro equipo repetirá adestramento en Abegondo ás 11:00 horas.
