Fabril e Dépor ABANCA B arrancan a competición oficial esta fin de semana
Dous equipos de #ANOSACANTEIRA, Fabril e Deportivo ABANCA B, arrancan a competición en Terceira División e Primeira Nacional respectivamente.
O Fabril comeza o subgrupo A da Terceira División o domingo 18 de outubro no campo Alcalde Manuel Candocia das Somozas (17:30 horas). O filial retomou esta mañá os adestramentos interrompidos desde o mércores debido ao positivo en COVID-19 detectado nun dos compoñentes do cadro. Tanto esa persoa como os seus contactos estreitos están illados seguindo a normativa sanitaria. Todos os demais integrantes do cadro deron negativo nas probas realizadas o mesmo mércores.
Nesta primeira xornada, o Fabril estará dirixido por Óscar Gilsanz, técnico do Xuvenil A branquiazul.
Pola súa banda, no subgrupo A do grupo 1º de Primeira Nacional, o Deportivo ABANCA B recibe en Abegondo ao Umia CF. O encontro xogarase o sábado 17 de outubro ás 17:00 en Abegondo (campo 5).
Finalmente, teñen cita amigable de pretemporada o Xuvenil A e o Xuvenil B. En ambos os casos será o sábado 17 lonxe da Cidade Deportiva.
O calendario de partidos é o seguinte:
Terceira División 1ª xornada: UD SOMOZAS - FABRIL, o domingo 18 de outubro ás 17:30 no campo Alcalde Manuel Candocia das Somozas
Categoría feminina 1ª xornada: DEPORTIVO ABANCA B - UMIA CF, o sábado 17 de outubro ás 17:00 en Abegondo (campo 5)
Categoría xuvenil Amigable: XUVENIL A - RACING DE FERROL A, o sábado 17 de outubro ás 11:30 no campo do Monte (San Tirso)
Amigable: XUVENIL B - URAL CF A, o sábado 17 de outubro ás 10:00 no campo do Pinar (Vizoño)