O centrocampista arxentino do Real Club Deportivo, Fede Cartabia, foi operado onte a última hora da tarde da "hernia de futbolista" que sufría. A intervención, realizada polo Dr. Magalhaes no Hospital CUF de Porto, transcorreu satisfactoriamente.
Após pasar a noite no centro hospitalario, o xogador sairá do hospital ás 10:00 horas para regresar a Coruña e iniciar o postoperatorio e a recuperación. Superada a cirurxía, levará a cabo o programa de fisioterapia e readaptación progresiva necesario para a súa completa reincorporación ás esixencias do fútbol profesional.
