Lista do Deportivo ABANCA para o partido de mañá en Sevilla ante o Real Betis Féminas
O Deportivo ABANCA desprázase hoxe venres 13 de setembro a Sevilla para enfrontarse ao Real Betis Féminas mañá sábado 14 ás 16:00 horas na Ciudad Deportiva Luis del Sol, con motivo da 2ª xornada da Primeira Iberdrola.
Manu Sánchez, técnico deportivista, leva a 18 futbolistas para un partido que estará marcado polo terreo de xogo, herba sintética, e as súas dimensións; ademais da temperatura en Sevilla ás 16:00 horas dun día de verán, aínda que sexa o mes de setembro.
Causan baixa por lesión Yamamoto, Érika e Silvia Mérida.
O plan de viaxe do Dépor ABANCA é o seguinte:
Venres 13 de setembro 14:40: Saída do voo do Aeroporto da Coruña con destino Sevilla 16:05: Chegada aproximada a Sevilla e aloxamento no hotel Silken Al Andalus Palace
Sábado 14 de setembro 16:00: Real Betis Féminas - Deportivo ABANCA, na Ciudad Deportiva Luis del Sol Ao concluír, viaxe por estrada á Coruña