Os futbolistas titulares onte en La Rosaleda tiveron esta mañá en Abegondo unha sesión de recuperación, cun quecemento e fútbol tenis. Quedaron no ximnasio, debido a senllas contusións sufridas no partido, Borja Valle e Diego Caballo.
Para os demais membros do primeiro cadro, co fabrilista Álex Cobo, Natxo González dispuxo ademais de posesión de balón, unha tarefa de remates a portería e, para concluír, fútbol en espazo reducido, de alta intensidade.
Carlos Fernández retirouse antes que o resto por prevención. Só está á marxe do grupo Krohn-Dehli.
Mañá martes haberá xornada de descanso. O equipo volve aos adestramentos o mércores 27 de febreiro ás 11:00 en Abegondo.
