José Luis Martí, que hoxe contou xa coa incorporación do preparador físico Moisés de Hoyo, fixo especial énfase no traballo táctico de cara ao choque deste sábado 13 de abril en El Sadar ante o CA Osasuna (18:00 horas, Movistar Partidazo).
Para iso, un exercicio de movementos ofensivos no campo 2 foi a tarefa principal do adestramento desta mañá en Abegondo, hoxe ademais co porteiro fabrilista Pedro López.
A mañá, que arrancou na sala de vídeo, concluíu sobre o céspede con partidos en espazo reducido, de alta intensidade, un dos aspectos nos que fixo máis incidencia o técnico mallorquino nestas primeiras horas en Abegondo.
David Simón e Carlos Fernández retiráronse na última parte do adestramento. O lateral canario por prevención e o dianteiro andaluz a consecuencia dunhas molestias nos isquiotibiais da súa perna dereita, pendentes de avaliación médica. Adestráronse ademais á marxe do grupo Krohn-Dehli e Fede Cartabia.
Mañá xoves 11 de abril, o cadro está citada de novo ás 11:00 horas en Abegondo.
