O balón foi o gran protagonista no regreso ao traballo do Deportivo esta mañá en Abegondo, despois do día de descanso de onte martes.
Así pois, Rubén de la Barrera dispuxo unha tarefa de posesión, un exercicio de progresións con partido e fútbol en espazo reducido, de alta intensidade.
Cos canteiráns Adri Castro e David Suárez no grupo hoxe mércores, unicamente Borja Galán e Derik Osede traballaron á marxe do resto dos seus compañeiros, o primeiro xa no campo co readaptador, Fran Molano.
Mañá xoves a partir das 10:30, o técnico deportivista comezará a perfilar a visita ao Marino de Luanco deste domingo 25 de abril ás 17:00 no campo de Miramar (Footters) con traballo táctico a porta pechada en ABANCA-RIAZOR.
