O Benxamín A disputa mañá ante o Imperátor os oitavos de final do Mini Teresa Herrera
O Benxamín A do Deportivo disputa mañá martes 6 de xuño os oitavos de final do Trofeo Mini Teresa Herrera, cuxa final se xogará no Estadio de Riazor este verán antes da 72 edición do Trofeo Teresa Herrera.
O rival do Benxamín A será o Imperátor, a partido único, ás 17:00 na Cidade Deportiva da Torre.
Na eliminatoria previa, os deportivistas eliminaron ao San Cristóbal (11-1), con goles de Álex -3-, Jairo -2-, Dani -2-, Marcos, Bruno, Pablo Vázquez e Pablo Fernández.
A fin de semana, o Benxamín A participa no Torneo Internacional Cidade de Pontevedra, que organiza o Club Portero 2000 no campo da Xunqueira.