O Cadete A medirase este venres 12 de abril ao Ourense CF en Abegondo (18:30, campo 3), en partido correspondente á 21ª xornada que foi aprazado o pasado 2 de febreiro debido ao temporal de vento e choiva que azoutou eses días a comarca da Coruña. A entrada será gratuíta para os afeccionados.
O Cadete A suma actualmente 71 puntos na segunda praza da División de Honra, cun partido menos xogado que o resto de rivais. O líder é o RC Celta, con 81 puntos.
Despois dese choque aprazado, a competición ligueira para en Semana Santa e renóvase o sábado 27 de abril en Abegondo, coa visita do CD Areosa á Cidade Deportiva.
