Fernando Vázquez citou ao seu cadro mañá martes 21 de xullo ás 11:00 en Abegondo, á espera do que decidan os organismos competentes sobre o partido suspendido hoxe en ABANCA-RIAZOR ante o CF Fuenlabrada, correspondente á 42ª xornada en LaLiga SmartBank.
Por este motivo, e para seguir cumprindo escrupulosamente cos protocolos de LaLiga en canto ás instalacións de adestramento, a actividade do DéporCampus Cabreiroá trasladarase ao campo de O Monte en Santirso e deste xeito manter o uso exclusivo da Cidade Deportiva para o primeiro equipo.
