Superada esta segunda rolda da Ruta de Campións Nacionais da UEFA Youth League, o Xuvenil A accede ao playoff que o emparellará, a partido único o 8 ou 9 de de febreiro de 2022 en ABANCA-RIAZOR, cun destes equipos, segundos clasificados de grupo da Ruta Champions League: BV Borussia 09 Dortmund (Alemaña), FC Internazionale Milano (Italia), Club Brugge KV (Bélxica), Chelsea FC (Inglaterra) e FK Dynamo Kyiv (Ucraína). Tamén se clasificaron como segundos de grupo Atlético de Madrid, Villarreal CF e Sevilla FC, que non lle poden tocar ao Dépor ao ser do mesmo país.
O sorteo destes playoff terá lugar o próximo martes 14 de decembro ás 14:00 en Nyon (Suíza) e será retransmitido en directo pola UEFA por streaming.
Xunto ao vixente campión de España clasificáronse na Ruta de Campións Nacionais estoutros equipos: AZ Alkmaar (Holanda), Empoli FC (Italia), KRC Genk (Bélxica), HNK Hajduk Split (Croacia), FC Midtjylland (Dinamarca), Rangers FC (Escocia) e MŠK Žilina (Eslovaquia).
