O centrocampista portugués Vítor Emanuel Cruz da Silva (Penafiel, 7 de xaneiro de 1984) incorpórase desde esta mañá aos adestramentos do Deportivo.
O futbolista luso exercitarase co equipo na Cidade Deportiva de Abegondo. A súa incorporación definitiva queda supeditada á evolución dos lesionados do cadro na demarcación que ocupa.
Vítor Silva é actualmente axente libre após desvincularse do CF Reus, no que militaba desde 2015 tras o seu paso por Sporting de Portugal, Paços de Ferreira, União Madeira, Lousada e Penafiel.
