O CF Illueca, que milita no grupo 17 de Terceira División, será o rival do Deportivo na primeira eliminatoria da Copa do Rei, segundo o sorteo realizado esta mañá na sede da Real Federación Española de Fútbol na Ciudad del Fútbol de Las Rozas (Madrid).
Esta rolda será a partido único e xogarase o martes 17, mércores 18 ou xoves 19 de decembro, na localidade de Illueca, na provincia de Zaragoza, 90 km ao suroeste da capital maña.