O corpo técnico do RC Deportivo concedeu esta mañá ao cadro deportivista uns días de descanso, á espera do que poida suceder nos próximos días con ese partido suspendido onte en ABANCA-RIAZOR ante o CF Fuenlabrada, nunha grave vulneración do principio de igualdade da competición ao disputarse o resto da xornada con normalidade.
Richard Barral, Director Deportivo, explica que esta medida é debida a "que os futbolistas levan uns días cunha carga de traballo importante. Estarán todos eles a disposición do Club".
